Бөлүмдөр
Шаршемби, 14-ноябрь
Чүй облусуКемин району 21.10.2017 13:43

Кеминде эки унаа кагышып, 5 адам жабыркады

Turmush -  Бишкек — Нарын — Торугарт унаа жолундагы авто кырсыктан 5 адам жабыркады.

ӨКМдин басма сөз кызматынын маалыматына караганда, жол-транспорт кырсыгы кечээ, 20-октябрда саат 06:05 чамасында Бишкек — Нарын — Торугарт унаа жолунун 103-чакырымында болгон. Анда «Фольксваген Пассат» үлгүсүндөгү (мамлекеттик №S46-98AG) унаа менен «Мерседес-Бенц» үлгүсүндөгү жүк ташуучу унаа (мамлекеттик №E32-88E) кагышкан. Анын кесепетинен жеңил унаадагы 3 адам жана жүк ташуучу унаадагы 2 адам жабыркаган.

ӨКМдин №5 өрт-куткаруу бөлүмүнүн куткаруучулары унаага кыпчылып калган жабырлануучуларды чыгарышып, тез жардам кызматкерлерине өткөрүп беришкен. Алар Кемин райондук ооруканасына жеткирилген.

Буга чейин Turmush басылмасына Чүй облусунун Кемин районундагы жол-транспорт кырсыгынан 7 адам жабыркандыгы маалымдалган.

Укук коргоо органдарынан билдиришкендей, кечээ, 20-октябрда саат 06:00дөр чамасында жеңил унаа менен кичи автобус кагышкан. Кырсыктан жабыркаган адамдар аймактык ооруканага жеткирилди.

Жаракат алгандардын тизмеси:

- 1977-жылы туулган Б.К., Токмок шаарынын тургуну

1994-жылы туулган жигит, Кемин районунун тургуну;

- 1986-жылы туулган С.К., Кемин районунун тургуну;

- 1995-жылы туулган К.А., Кемин районунун тургуну;

- 1996-жылы туулган О. уулу Н., Кемин районунун тургуну;

- 1997-жылы туулган И.О., Кемин районунун тургуну;

- жандандыруу бөлүмүнө жеткирилген эркек кишинин өздүгү тактала элек.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×