Бөлүмдөр
Шейшемби, 11-декабрь
Чүй облусуКемин району 30.10.2017 09:56

Кеминде Жергиликтүү жамааттар күнү белгиленди

Turmush -  Кемин районуна караштуу Чым-Коргон айылында Жергиликтүү жамааттар күнү белгиленди. Бул тууралуу аймактык кабарчы билдирди.

Маалым болгондой, иш-чарага жергиликтүү бийликтин өкүлдөрү жана айыл тургандары катышып, айылдын өнүгүшүнө өз салымын кошкон маркум инсандарга багышталып куран окутулду. Ошондой эле, атайын эки боз үй тигилип, иш-чарага келгендерге ысык тамак берилди.

Мындан тышкары иш-чара спорттук оюндар менен коштолуп, кичи футбол уюштурулду. Ага 8 команда катышып, 1-орунду алган «Ретро» командасына 8 миң сом, 2-орунду ээлеген командага 5 миң сом, 3-орунду алган командага 3 миң сом, 4-орунга ээ болгон командага 2 миң сом акчалай сыйлык тапшырылды. Бул мелдеште 23 жаштан 50 жашка чейинки эркектер беттешти. Баскетбол боюнча мелдешке 5 команда катышып, анда 1988-жылкылар 1-орунду ээлеп 8 миң сом, 1994-жылкылар 2-орунду алып 5 миң сом, «Ретро» командасы 3-орунду ээлеп 3 миң сом акчалай сыйлык алышты. Ушундай эле сыйлыктар менен көк бөрү оюнунун женүүчүлөрү сыйланышты.

Бул иш-чарага айылдын жаштары тарабынан түзүлгөн фонддон, айыл тургундары, айылдык кеңештин депутаттары тарабынан каражат бөлүндү.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×