Turmush — Нарын облусунун Ак-Талаа райондук эмгек, социалдык камсыздоо жана миграция башкармалыгынын башчысы болуп Эрлан Качкынбаев дайындалды. Бул тууралуу аймактык кабарчы билдирди.
Маалым болгондой, аталган башкармалыкты буга чейин жетектеп келген Үсөнбек Токтокуев ээлеген кызматынан өз каалоосу менен кеткендигине байланыштуу, анын ордуна ушул эле башкармалыкта 2012-жылдан бери иштеп келе жаткан Эрлан Качкынбаев дайындалгандыгы белгилүү болду.
Качкынбаев Эрлан Замирбекович 1983-жылы 16-август күнү Баетов айылында туулган. Үй-бүлөлүү, 3 уул жана 1 кыздын атасы.
Билими:
- 1989-1999-жылдары Баетов айылынын Шүкүрбек Бейшеналиев атындагы орто мектебинде окуган;
- 2005-жылы К.И.Скрябин атындагы Кыргыз улуттук агрардык университетинин жол кыймылын уюштуруу инженери адистигине ээ болгон;
- 2011-жылы Кыргыз Республикасынын Президентинин алдындагы башкаруу академиясынын жергиликтүү мамлекеттик башкаруу жана өз алдынча башкаруу адистиги боюнча билим алган.